இரு சந்திப்புகளுக்கிடையே
வாழ்த்துவதற்கு எத்தனை விசயங்கள் உன்னிடத்தில்.
புதிதாக கார் வாங்கியிருக்கிறாய்.
பதவி உயர்வு கிடைத்திருக்கிறது
கண்கள் தெரியாத அளவு முடிவத்திருக்கும்
உங்கள் நாய் கூட போட்டியில் பரிசு வென்றிருக்கிறது.
உன் மகள் அற்புதமாக திருப்பாவை பாடுகிறாள்.
வாழ்த்தி முடித்ததும்
சந்திப்பு முடிந்துவிட்டது.
இதெல்லாம் நிகழா
என் போன்றோர் வாழ்க்கைக்குத்தான்
இயல்பு வாழ்க்கை என்று பெயர்.
எனக்கென்ன பெரிதாய் வேண்டும்
இயல்பு வாழ்க்கைக்கு.
அடையாருக்கு நேராக செல்ல
கூட்டமில்லா பேருந்தும்
கூடுதலாக ஜன்னலோர இருக்கையும்
நடைபயிற்சியின் போது
குரைக்காதிருக்க நாயின் ஸ்நேகிதமும்
எட்டிப்பார்த்து படிக்க இயலும் வண்ணம்
பக்கத்து சீட்டுக்காரனிடம்
ஒரு புத்தகம்.
இதையும் ஒரு கவிதை என ஏற்றுக்கொள்ள சிலரும்
அதற்கு வரும் லைக்க்குகளும்.
No comments:
Post a Comment