வழி தவறினவா ஆடுகள்?

வழிதவறியதாக நான் முடிவு செய்த
ஆடுகளுக்கு உதவ முயன்றேன்

பயந்து ஓடின சில ஆடுகள்

தெரிந்துதான் செல்கிறோம்
இது எங்கள் விடுதலைப் பயணம்
என்றன சில ஆடுகள்

இது சரியான வழியே..
அறுதியிட்டுச் சொன்னது சில ஆடுகள்

செல்வது தவறான வழி என்று
எதை வைத்து சொல்கிறாய்
வினவின சில ஆடுகள்

போன வாரமும் இவனைப்போல
ஒருத்தன் வந்தான்
கிசுகிசுத்தன சில ஆடுகள்.

உன் வேலையைப் பாத்துக்கிட்டு போ
என சீறின சில ஆடுகள்.

மெளனமாக இருந்த
ஒரே ஆட்டை
அணுகி பேசமுயன்றபோது
அது
உறுமியது
நான் ஆடல்ல சிங்கம்.